Twijde braif van Johannes 01
01Van oldste. Aan vraauw dij oetkozen is, en aan heur kinder doar of k echt van hol en ik nait allenneg, mor ale aandern ook dij woarhaid kennen leerd hebben.
02k Schrief joe om woarhaid dij in ons woont en aaltied bie ons blift.
03Bie ons blieven ook genoade, omdenken en vree van God, de Voader, en Jezus Christus, de Zeun van de Voader - in woarhaid en in laifde!
04Ik bin der slim blied om dat ik kinder van joe trovven heb. Kinder dij zok in heur levent holden bie t gebod dat wie van de Voader kregen hebben.
05Nou vroag ik joe, vraauw, heb nkander laif. Al is t ook gain nij gebod dat ik joe schrief. Wie haren t ja al van t begun òf aan.
06En dat is nou laifde: dat wie leven noar zien geboden. Dit is t gebod dat ie van t begun òf aan heurd hebben. Hol joe der aan!
07Der binnen ja n haile rieg verlaaiders op wereld òf goan. Zai ontstrieden dat Jezus mensk worden is, vlaais en bloud. Mit recht kin je doar verlaaider en antichrist tegen zeggen.
08Neem joe in acht! Zörg der veur dat ie nait verspeulen doar wie veur in schrip west hebben, mor dat ie t volle loon beuren.
09Elk dij te wied gaait en nait bie Christus zien leer blift, het gain baand mit Christus. Dij t aal bie dij leer holdt, het wel n baand mit de Voader en mit de Zeun.
10 As ter ain bie joe komt en dizze leer nait brengt - hoal zo'n man den nait in hoes! Zeg nait: "Mooi dat ie der binnen!"
11 Wèl zegt: "Goidag! Kom der in!" dij dut mit aan zien minne doun.
12 Ik heb joe nog n bult te schrieven, mor dou dat laiver nait mit pen en inkt. Ik hoop gaauwachteg bie joe te kommen, den kin we onder vaaier ogen mitnkander proaten. Wat zel we den blied wezen!
13 Kinder van joen oetverkoren zuster loaten joe de groeten doun.
|
