Psaalms 120
001Bedevoartslaid.
De HEER heb ik aanroupen in mien nood,
hai het mie antwoord geven.
002O HEER, red mie
van lip dij lugt,
van tong dij bedrogt.
003Doe tong, dij bedrogt,
wat zel hai die geven,
wat ter nog bie doun?
004Aanschaarpte pielen van n held,
glìnne kolen van brem!
005O wai, dat ik as vremde touhol in Mesech,
bie tènten woon van Kedar.
006Te laank woon ik al
maank lu dij vree hoaten.
007Ik bin vree zulm,
mor as ik wat zeg, is t oorlog!
|