Bijbelrooster voor 22 september 2022

Psaalms 128:1-6: t Gaait veur wiend aan

⁰⁰¹Bedevoartslaid. Gelokkeg elk dij ontzag het veur de HEER,
dij op zien wegen gaait,

⁰⁰²magst eten wat dien handen opsmeten hebben, bist gelokkeg en t gaait goud mit die,

⁰⁰³dien vraauw is net as n vruchtboare wienstòk in dien hoes,
dien kinder, om toavel tou,
binnen as olievetoekjes.

⁰⁰⁴Nou den! Zo wordt ain zegend dij ontzag het veur de HEER.

⁰⁰⁵Dat de HEER die zegen mag tou Sion oet, den zelst aal dien levensdoagen
t gelok van Jeruzalem zain

⁰⁰⁶en dien kindskinder!

Ga naar het volledige bijbelrooster

(Op basis van rooster: www.bijbelgenootschap.nl)

Terug