Bijbelrooster voor 4 december 2019
Micha 3:5-12: Vaalse profeten vaalse gerusthaid
05Dit zegt de HEER van profeten dij mien volk op biesterboan brengen: Zo laank as ze wat te eten hebben, roupen ze nkander vree tou, mor dij heur niks tou stopt, zeggen ze oorlog aan.
06Naacht zel heur gain vizioun meer brengen, duusternis geft gain oroakel. Veur dij profeten zel zun ondergoan, dag zel duuster worden.
07Dij zainders zellen veur schandoal stoan, en dij woarzeggers waiten zok gain road, altmoal sloagen ze haand veur mond omdat God gain kik meer geft.
08Mor mie geft gaist van de HEER moud en kracht, ik kom op veur t recht. Jakob zien misstappen breng ik hom onder ogen, en Israël wies k op zien zunden.
09Luster hier toch noar, laaidslu van Jakobs volk, veurlu van t volk van Israël. Recht heb ie nait in reken, onrecht moak ie der van,
10 bloudvergaiten dou ie doar in Sion, Jeruzalem is n boas in onrecht doun.
11 Laaidslu loaten zok omkopen veur rechtspreken, priesters leggen les oet om der beter van te worden, profeten oroakeln veur de sènten. En den beroupen ze zok ook nog op de HEER: "De HEER woont middenmaank ons. Ons kin niks gebeuren!"
12 Doarom, t is joen aigen schuld. Sion wordt omplougd as baauwlaand, n dikke puunboudel wordt Jeruzalem, tempelbaarg ain bult branholt!
|
Ga naar het volledige bijbelrooster
(Op basis van rooster: www.bijbelgenootschap.nl)
Terug
