Bijbelrooster voor 1 juni 2019

Psaam 120: Onthaimd

⁰⁰¹Bedevoartslaid. De HEER heb ik aanroupen in mien nood,
hai het mie antwoord geven.

⁰⁰²O HEER, red mie van lip dij lugt,
van tong dij bedrogt.

⁰⁰³Doe tong, dij bedrogt, wat zel hai die geven,
wat ter nog bie doun?

⁰⁰⁴Aanschaarpte pielen van n held, glìnne kolen van brem!

⁰⁰⁵O wai, dat ik as vremde touhol in Mesech, bie tènten woon van Kedar.

⁰⁰⁶Te laank woon ik al maank lu dij vree hoaten.

⁰⁰⁷Ik bin vree zulm, mor as ik wat zeg, is t oorlog!

Ga naar het volledige bijbelrooster

(Op basis van rooster: www.bijbelgenootschap.nl)

Terug