Bijbelrooster voor 9 maart 2019
Lucas 7:29-35: Kiender-achteg
29 Aal t volk dij hom heurde en tollenoars ook, hebben tougeven dat God in zien recht ston en hebben zok deupen loaten mit deup van Johannes.
30 Mor Farizeeërs en wetgeleerden hebben God zien plan ofwezen en zok nait deur hom deupen loaten.
31 "Woar zel ik mensken van dit geslacht mit vergelieken? Woar lieken ze op?
32 Ze lieken op kinder dij op maart zitten en nkander n taimke touroupen:
'Veur joe heb wie floten,
mor daanst heb ie nait.
En treurlaidjes zongen,
toch heb ie nait schraifd.'
33 Johannes de Deuper is ja kommen. At gain brood en dronk gain wien. En ie zeggen: 'Hai het n kwoaie gaist!'
34 Menskenzeun is kommen. At en dronk aal. En ie zeggen: 'Kiek dij eterd en drinkerd ais! n Vrund van tollenoars en zundoars!'
35 Wieshaid krigt geliek van aal heur kinder."
|
Ga naar het volledige bijbelrooster
(Op basis van rooster: www.bijbelgenootschap.nl)
Terug
