Bijbelrooster voor 22 januari 2019
Psaalm 26: schone handen
001Van David.
Dou mie recht, HEER,
ik heb nooit n stap verkeerd doan,
op de HEER heb ik baauwd,
nooit bin k oetgleden.
002Keur mie, HEER, en perbaaier mie oet,
of deugen mien nieren en mien haart,
003want aaltied staait joen laifde mie veur ogen,
ik dou t zo as ie t willen.
004Ik hol mie nait op
mit bedraigers en achterbakse lu,
005ik hoat dij kliek van minhoeden
en zet mie nait deel bie goddelozen.
006Mien handen zel ik wasken in onschuld,
ik zel om joen altoar lopen, HEER,
007den zel ik luud n daanklaid heuren loaten
en vertellen van joen wonderdoaden.
008HEER, t stee van joen hoes,
t woonstee van joen glorie, doar hol ik van.
009Veeg mie nait op ain bult mit zundoars
en neem mien levent nait mit dat van heur dij bloud vergaiten.
010 Heur handen binnen voel van schandoaden,
heur rechterhaand is vuld deur omkoperij.
011 Mor ik dou nooit n stap verkeerd.
Verlös mie en wees mie genoadeg.
012 Mien vouten, dij stoan op slichte grond,
doar t volk verzoameld is, zel ik joe priezen, HEER.
|
Ga naar het volledige bijbelrooster
(Op basis van rooster: www.bijbelgenootschap.nl)
Terug
