Links Inloggen
Naar begin van de pagina
Home

Psaalms veur nou 16

Mien God, ik kom bie Joe. Din bin ik vaaileg;
ik heb t tegen Joe zegd en blief t aal zeggen:
ik heb Joe neudeg, Heer. De rest is onverneuden.

De minsken hebben hail andere idolen.
Zai wringen zich veur heur ien honderd bochten,
mor dat zel ik nooit doun. En zulfs heur noam nait nuimen.

Mien God, Joe vullen mien bord. Joe vullen mien beker:
Joe hebben wat moois bedocht en domnt is dat van mie.
Joe holden mien haile leven ien joen handen
en ik kom goud terecht, want dat hebben Joe mie zegd.

Bie nachten lig ik aal aan God te denken;
ik vuil dat Hai der is. Zien wieshaid geft mie vree.
Din wor ik blied en zeker van mien redden:
ik leef, ik leef noast God. Ik vaal nait oet zien haand.

Want Joe zollen mie nait zo mor staarven loaten;
ik huif nait noar het graf. Want Joe loaten mie nait lös.
Joe willen mie leren woar of ik het zuiken mout:
hail dicht bie Joe, mien God, zel ik gelukkeg wezen.

Tekst: Menno van der Beek. Vertoalen: Peter van Dijk-Veldkamp.


Terug

Bookmark and Share Rijksweg West 83, 9608 PB Westerbroek Email ANBI Facebook