Links Inloggen
Naar begin van de pagina
Home

01 Opwekking 407

1. O Heer, mien God, wanneer ik vol verwondern
noar wereld kiek, deur Joe aigenhandeg moakt,
licht van steerns, de swoare klank van dunder,
joen forsie wooar k van onder iendruk roak,

din zingt mien zail veur Joe, o Heer, mien God:
Wat groot binnen Joe! Wat groot binnen Joe!

Din zingt mien zail veur Joe, o Heer, mien God:
k Bin groots op Joe! k Bin groots op Joe!

En as k bedenk hou zunder kremenaaiern
Jezus as laam op pad ging noar de dood,
din bin k verboasd dat Hai mien schuld wol droagen.
Hai hong aan t kruus en kwiet bin haile zoot.

Din zingt mien zail veur Joe, o Heer, mien God:
Wat groot binnen Joe! Wat groot binnen Joe!
Din zingt mien zail veur Joe, o Heer, mien God:
k Bin groots op Joe! k Bin groots op Joe!

As Christus komt, verschient mit glaans en glorie,
brengt Hai mie thoes, wat bliedschop is mie dat!
Ik boeg mie deel en geef Hom lof en eren.
O Heer, mien God, k bin t zingen nog laank nait zat.

Din zingt mien zail veur Joe, o Heer, mien God:
Wat groot binnen Joe! Wat groot binnen Joe!

Din zingt mien zail veur Joe, o Heer, mien God:
k Bin groots op Joe! k Bin groots op Joe!

Tekst: Stuart K. Hine. Nederlandse vertoalen Rikkert Zuiderveld. Grunneger vertoalen: Peter van Dijk-Veldkamp


Terug

Bookmark and Share Rijksweg West 83, 9608 PB Westerbroek Email ANBI Facebook