LB0276
1. Zo mor een dak boven wat koppen,
deur dij noar stilte open staait.
Muren van huud, roamen as ogen,
zuikend noar hoop en vastegenhaid.
Huus dat een levend liggoam wordt
as wie noar binnen goan
om recht veur God te stoan.
2. Woorden van ver, sterren dij doalen,
licht uut t verleden hier ooit zaaid.
Noamen veur Hom, dreumen, signoalen,
daip uut de wereld noar ons waaid.
Monden van eerde heuren, zain,
bezingen ien ain koor
Gods vrije en stroalend woord.
3. Toavel van Ain, brood om te waiten
dat der verband is mit mekoar.
Wonder van God, minsen in vrede,
old en vergeten nije spoor.
Breken en dailen, wees wat nait kin,
dou wat ondenkboar is,
opstoan tegen dood.
Janka Rubingh, Tonko Ufkes.
