LB0533
1. Doar komt een man uut Nazaret.
Zien noam is: Hai dij minsen redt,
en mit de minsten wil Hai zoch verbinden;
zien noam is bie vergeten volk te vinden.
refrain: In Galilea zain wie Hom,
de Heer dij in Jeruzalem
bespot wordt en ook sloagen,
in Galilea kin je noar Hom vroagen.
2. En Hai is deupt in de Jordoan.
Hai duurt een nije weg te goan
en Hai wil minsen van heur angst genezen,
woar Hai verschient, huift gainain baang te wezen.
Refr.
3. Aan t oog onttrokken trekt Hai rond.
Verhoalen goan van mond tot mond,
in Galilea goan gehaimen open,
de hopelozen dueen weer te hopen.
Refr.
4. Wel is dij vremde Jeudenman,
dij naargens thuus is in het land?
Men zegt: een profeet kon Hai ja wel wezen.
Mor veur zien volk zel Hai Messias wezen.
Refr.
5. Jeruzalem, de keunengstad,
de stad dij al zien laifde had:
doar moet de keuneng wel teveurschien treden,
doar was Hai thus, en juust doar het Hai leden.
Refr.
6. Der komt een man uut Nazaret.
Zien noam is: Hai dij minsen redt,
en bie de doden is Hai nait te vinden,
Hai wil zoch mit de levenden verbinden.
Refr. In Galilea overal
klinkt het verhoal van Jezus al.
Dat zel nait meer verdwienen,
en midden onder ons zel Hai weer verschienen.
Klaas Pieterman, Janka Rubingh, Tonko Ufkes
Dag is begonnen as d' eerste mörgen,
liester het zongen het eerste laid.
Dank veur het zingen,
dank veur de mörgen,
t Woord geft ze beide hiel tied vannijs.
2, Zaacht vaalt het zunlicht op eerste regen
as fiene drupkes op t nije gras.
Dank veur de geuren
uut grune tunen,
oorsprong en volheid aal woar Hai lopt.
3. Mien'nt is het zunlicht, Mien'nt is de mörgen,
baaide geboren ien t parredies.
Dank dus veur bliedschop,
dank elke mörgen,
dank God veur elke nij-schoapen dag.
Tonko Ufkes
