Links Inloggen
Naar begin van de pagina
Home

LB0511

1. Deur goie machten stil en traauw omgeven,
beschaarmd, getroost, zo goud en wonderboar,
zo wil ik dizze doagen mit joe leven
en mit joe mitgoan ien het nije joar.

2. Wil nog de olde pien t gemoud beswoaren,
drukt nog de last van t leed dat ons benaauwt,
ach Heer, geef aan ons ziel toch joen genoade,
joen haail en zegen, want din is t ja goud.

3. En lang Ie ons de swoare kelk van bitter
verdrait, gevuld tot aan de hoogste raand,
zel wie dij dankboar nemen, zunder siddern
oet joen aalgoude en gelaifde haand.

4. Mor wil Ie ons nog ain moal bliedschop schenken
om dizze wereld en om t zunnelicht,
din wil wie wat wie leden, hier gedenken
en zel wie leven veur joen aangezicht.

5. Loat heden keerzen waarm en helder branden
dij Ie ons brochten tegen duustre macht,
breng ons, as t wezen mag, weer bie mekander,
wie waiten t wel, joen licht schient ien de nacht.

6. As baange stilte om ons heer zuk oetbraaidt,
loat ons din heuren aangenoame klank
van eer aan Joe ien t wereldwiede loflaid
van aal joen kiender t hoogste lofgezang.

7. Deur goie machten wonderboar geburgen,
verwachten wie getroost wat komen mag.
God is mit ons op oavend en ien mörgen
en zekerwoar op elke nije dag.

Klaas Pieterman.

 

 



Terug

Bookmark and Share Rijksweg West 83, 9608 PB Westerbroek Email ANBI Facebook