LB0870

1. Haailege God, aal prezen is
joen komst deur ales hin,
joen woord van ale aiweghaid,
dat tusken ons verscheen.

2. Goddank, het is aan ons verzegd;
nij leven komt van die
en elk dij omkwam ien t gevecht,
wait: t kwoaie is veurbie.

3. Een aander kwam veur ons ien plek,
een mens tot ons behold,
en prezen is de laifde Gods
dij ons zien plan ontvoldt.

4. Joen laifde, God, zo wies en goud;
wat ooit ien Adam viel<
ons liggoam, aal van vlees en bloud,
wordt leven weer en ziel.

5. Ja, meer as ziel en leven is,
toudocht aan bloud en vlees,
Godzulf dij ien ons wezen is,
de oademende Geest!

6. Want wel of veur ons streden het,
allent, ain tegen ain,
as God en mens dij leden het:
zo lieden kon gainain.

7. Dij laaidt ons deur de doodsjordoan
en holdt ons bie de haand,
dij het veur ons de weg aal boand
noar het beloofde laand.

8. En prezen, God, joen wies bestuur,
de omweg van joen woord,
ver boven ale hoogtes oet,
en ale daiptes deur.

Tonko Ufkes en Janka Rubingh.

Terug