LB0727
1. Veur alle heilgen zingen wij dit lied
die op Joe baauwden ien heur oardse stried,
priezen joen noam, o Jezus, veur altied!
Halleluja.
2. Heur rots was Ie, heur börg en al heur macht;
heur stuurman was Ie dwars deur störm en nacht;
over joen pelgrims hol Ie traauw de wacht.
Halleluja.
e. Moak dat joen strieders heur verweren goan
as heiligen veur recht en vrede stoan
en overwinnen en joen stem verstoan.
Halleluja.
4. Zij winnen laauwerkrans en golden kroon,
wij worden één, zij zingend veur de troon,
wij kriegen elks ons wel verdiende loon.
Halluluja.
5. Swoar weegt de goeie zoak, laang is de tied
en vol gevoar en twievel is de stried,
mor met joen hulp verliezen wij et niet.
Halleluja.
6. Vot liekt de uutweg en vot liekt de moed,
mor uut de verte klinkt ons tegemoet
joen stem en joen woord en alles komt goed!
Halleluja.
7. Rood is de oavend woar de zun nou doalt,
ok ien de dood heb Ie heur lot bepoald.
God die de muude striederss binnenhoalt.
Halleluja.
8. Een grote en een glorierieke dag
lijt nog te wachten tot op joen gezag
et leger heilgen veur joe kommen mag.
Halleluja.
9.Doar is de keuneng as een jonge held!
|Hum kommen allen tegemoet gesneld
van vreugde stroalend, scharen ongeteld.
Halleluja.
10. Van wied en zied, tot an de verste zee
goan ze et vienden, bliedschop, rust en vree,
Joe priezen, Voader, Zeun en Heilge Geest.
Halleluja.
Tonko Ufkes.
