LB0627
1. Wij delen verdriet en zörgen
met elk die Hij achterliet.
Joen macht is zo diep verbörgen,
wij wandelen ien de mörgen,
mor wij vienden joen lichoam niet.
2. Wij vienden een graf wied open.
Wij blieven verwonderd stoan
met wel op een wonder hopen.
En hij die mor troag kon lopen,
mag as eerste noar binnen goan.
3. Wij goan met die aander binnen,
et duustere graf zo ien.
Et opgerold widde linnen
dut hom t geloof herwinnen.
Wij loaten gien twievel meer zien.
4. O Heer, loat een engel kommen,
zodat van ons muide haart
de steen wordt weggenomen.
O Heer, loat een engel kommen,
want t gemoud is ons vol van smaart.
5. En doe ons de Schriften open,
zo as et graf open gijt,
en wij doen woar wij op hopen,
veur altied mit t volk oplopen
ien et vrundelek poaskelicht.
Tonko Ufkes.
