LB0212

1. Loaten wij zingen van de mooie dingen!
Loat diepe biedschop klinken ien ons stemmen,
nou wij de goedheid van Gods waark vernemmen.
Zing halleluja.

2. Hij het het leven aan ons mensen geven,
omgaf ons dizze nacht met goeie zörgen,
roept ons nou bliede noar een nije mörgen.
Zing halleluja.

3. Et is zien zegen dat wij ons bewegen,
dat haart en ziel ientied van bliedschop springen,
met lief en leden wij hum dank toezingen.
Zing halleluja.

4. Bron van et goede die ons zo behoedde,
blief elke nacht en dag, zo laang wij leven,
ons met joen liefdevolle traauw omgeven.
Zing halleluja.

5. Blief ons bewoaren al ons levensjoaren,
al zel de hitte van de dag ons steken,
veur aaltied bin we van joen liefde zeker.
Zing halleluja.

Tonko Ufkes.

Terug