t Evengelie volgens Lucas 18
09Mit t oog op gounent dij der op vertraauwden dat ze zulm rechtveerdeg wazzen en ale aandern niks in reken haren, vertelde hai dizze geliekenis:
10 "Twij man gingen noar tempel tou om te beden. Ain was n Farizeeër, aander n tollenoar.
11 Farizeeër ging doar stoan en beedde bie zokzulm: 'O God, ik daank joe dat ik nait zo bin as t aander volk, dat steelt, gemain dut en t mit n aander zien vraauw aanlegt, of ook as dij tollenoar.
12 Ik vast twijmoal in week en geef n tiende van aal mien inkomsten.'
13 Mor tollenoar bleef op n ofstandje stoan. Hai dus alderdeegs zien ogen nait opsloagen noar hemel, mor hai sluig zok aingoal op bòrst en zee: 'O God! Wees mie, zundoar, genoadeg!'
14 Dit wil k joe zeggen: dizze man ging rechtveerdegd weer noar hoes tou. Mor aander nait! Elk ja, dij zokzulm noar veuren dringt, zel achteroetzet worden. Mor wèl of zokzulm achteròf holdt, dij zel noar veuren hoald worden!"
|
