t Evengelie volgens Lucas 13
01Net om dij tied kwammen der gounent bie hom mit tieden over Galileeërs: Pilatus haar heur bloud mongen mit t bloud van heur ovverdaaiern.
02Hai zee tegen heur: "Main ie dat dizze Galileeërs slimmer zundoars wazzen as aal aander Galileeërs, omreden dit is heur overkommen?
03Nee hur! Mor as ie joe nait bekeren, zel ie aalmoal gliekegoud omkommen.
04Neem nou dij achtien dij heur dood vonden dou t bolwaark van Siloäm op heur deelkwam. Main ie dat dij meer op heur gewaiten haren as aal aander lu dij in Jeruzalem wonen?
05Nee hur! Mor as ie joe nait bekeren, zel ie aalmoal gliekegoud omkommen!"
|