t Evengelie volgens Lucas 01
39 Om dij tied ging Maria aan raais en muik dat ze in t baarglaand kwam, in n stad van Judea.
40 Ze ging bie Zacharias in hoes en zee Elisabet goiendag.
41 Dou Elisabet Maria heurde, gebeurde t dat t kind in heur opsprong. En Elisabet wer vol van hillege Gaist en raip haard:
42 "Doe bist zegend maank ale vraauwlu en zegend is vrucht dijstoe dragst.
43 Woar heb ik t aan te daanken dat moeke van mien Heer bie mie komt?
44 Dou k die goiendagzeggen heurde, sprong t kind in mie op van bliedschop.
45 Zoaleg is zai dij leufd het dat volbrocht worden zel wat heur vanwege de Heer touzegd is."
|