Wieshaid van Jezus Sirach 40
18 Dij van zien bezit leeft of zien waark, het t best,
mor dij n schat vindt, het t beter.
19 Kinder en baauw van n stad loaten dien noam deurleven,
mor beter as baaident is n onbesproken vraauw.
20 Wien en meziek moaken t haart blied,
mor beter as baaident is laifde veur wieshaid.
21 Floit en haarp moaken n alderlaifste wies,
mor beter as baaident is n mooie stem.
22 Groatsie en mooi wezen, mag men geern zain,
mor beter as baaident is t gewas dat opschut.
23 Goie kammeroaden trevven nkander op ofsproken tieden,
mor beter is t bie nkander wezen van man en vraauw.
24 n Behulpzoame bruier steunt in tied van nood,
mor beter is barmhaarteghaid dij redt.
25 Gold en zulver geven vasteghaid in t levent,
mor beter as baaident is goie road.
26 Bezit en kracht geven vertraauw in aigen weerde,
mor beter as baaident is ontzag veur de Heer.
Doar ontzag veur de Heer is, is naargens verlet om,
doar dij touholdt, huifstoe gain hulp zuiken.
27 Ontzag veur de Heer is as n lusthòf vol weldoaden,
t geft meer schut en schoel as n hoge posietsie.
|