Wieshaid van Jezus Sirach 40
12 Ales dat mit n onrechtveerdege bedoulen geven wordt, vergaait,
mor traauw blift veur aaid bestoan.
13 Wat n onrechtveerdege bezit, is as n revier dij dreugvaalt,
as n weerlichtslag dij oetklinkt bie n regenbui.
14 Dij vrijgeveg is, wordt ter blied van,
dij dut wat nait mag, verlust zien levent.
15 Noageslacht van goddelozen vertakt zok nait,
t het minne worrels op n haarde rotsgrond,
16 t is as raait in onderwaal of aan kaant van revier,
dat veur aal aander gras aan oetropt wordt.
17 Goudgunsteghaid is as n lusthòf vol weldoaden,
en barmhaarteghaid holdt veur aaid zien weerde.
|