Wieshaid van Jezus Sirach 33
20 Loat zeun, vraauw, bruier of vrund,
zo laank astoe leefst, nooit gain macht over die kriegen;
en dou dien geld nait aan n aander,
den huift die t loater nait te muiten ast ter om bedeln most.
21 Loat zo laank astoe leefst, zo laank as ter nog oam in die is,
gain mensk die van dien stee verdrieven.
22 Beter dat dien kinder die om wat vroagen,
as dastoe dien kinder noar handen kieken most.
23 Dou ales dastoe dust haile goud,
loat gain smet op dien goie noam kommen.
24 Op dag dat dien levent op n èn lopt, in t uur van dien dood -
verdail den eerst dien aarvenis.
|