Wieshaid van Jezus Sirach 07
04Vroag de Heer nait om macht,
en vroag bie keunenk gain ereploats.
05Dou die nait rechtveerdeg veur bie de Heer,
en dou bie keunenk nait ofstoe wieshaid in pacht hest.
06Streef der nait noar om rechter te worden:
t zol die overkommen kinnen
dastoe nait maans genogt bist onrecht òf te schavven,
of dastoe baang wordst veur n machteg heerschop,
en dien rechtveerdeghaid in gevoar brengst.
07Moak die nait schuldeg bie t volk in stad,
en verneder die nait veur aal mensken.
|