Psaalms 122
001Bedevoartslaid van David.
k Was blied dou ze tegen mie zeden:
"Loat wie noar t hoes van de HEER goan."
002Ons vouten stoan
in dien poorten, Jeruzalem.
003Jeruzalem is baauwd as n stad,
en moakt tou ain gehail,
004doar stammen noar tou trekken,
stammen van de HEER.
t Is veurschrift veur Israël
om noam van de HEER te priezen.
005Doar stoan rechterstoulen ja,
tronen van t hoes van David.
006Vroag om vree veur Jeruzalem:
"Dat rust hebben dij van die holden,
007dat vree touholdt binnen dien muren,
rust in dien börgen."
008Om mien bruiers en mien vrunden
wil ik zeggen: "Vree veur die!"
009Om t hoes van de HEER, ons God,
wil ik t beste veur die zuiken.
|