Psaalms 043
001Dou mie recht, o God,
kom veur mie op
tegen t volk dat ontraauw is,
red mie van lu vol list en leugen.
002Ie binnen ja de God dij mien touvlocht is,
woarom versteut ie mie,
woarom loop ik in raauw,
onderdrokt deur vijand?
003Geef toch joen licht en joen woarhaid,
dat dij mie laaiden,
mie brengen noar joen haailege baarg,
noar joen woonstee.
004Den kom ik bie t altoar van God,
bie God, dij moakt dat ik blied bin en jubel.
Ik pries joe op citer,
o God, mien God.
005Woarom zo oetstuur, mien ziel,
woarom zo onrusteg?
Wacht op God,
want vannijs zel ik hom priezen,
mien Verlözzer en mien God.
|