Dag & Deur II

Dag en Deur II

Nou te bestellen veur euro 10,00 bie www.profil.nl

Ien november kortsleden het oetgeverij Profiel weer n nije Biebels Dagbouk oetgeven. Dit dagbouk is schreven op aanzet van Liudgerstichten.

Dit is twijde moal dat Liudgerstichten zuk n dikke bundel soamensteld het. Ien 2012 is ons eerste dagbouk oetkomen.

Wat ie verwachten kinnen
Viefendatteg schrievers en dichters hebben der aan mitdoan, veur ain of meer weken. Teksten binnen schreven ien t Grunnegers dat auteurs proaten aal noar gelang streek en omgeven doar ze heur toal leerd hebben. Dat varieert van Westerketaaiers tot Westerwolds en ales wat doar tusken ien ligt.

Dat geft veulkleureghaid aan verschillende biedroagen. Aandere riekdom het t dagbouk kregen deur verschaaidenhaid aan religieuze achtergronden van schrievers.