Bijbelrooster voor 17 november 2022
2 Keunenks 12:1-9: Kiend en hogepriester
|
01Joäs was zeuven joar dou e keunenk wer.f + In paardie vertoalens binnen dizze verzen nummerd as 11:21-12:21.f*
02Hai wer keunenk in t zeuvende joar van Jehu. Vatteg joar regaaierde hai in Jeruzalem. Zien moeke haitte van Sibja. Zai kwam van Berseba.
03Zien haile levent dee Joäs wat de HEER hebben wol, krekt as priester Jojada hom leerde.
04Allenneg, ovverhögten werden nait liekmoakt. t Volk bleef doar ovvers brengen en wierook branden.
5-6 Joäs gaf opdracht aan priesters: "Priesters maggen aal t geld dat ze persoonlek in ontvangst nemen en dat as wijgift veur tempel van de HEER ofdroagen wordt, zulm holden. Dat geldt nait allenneg veur t geld dat betoald worden mout as t volk teld wordt en lu inschreven worden en t geld dat men as lösgeld betoalen mout om ain vrij te kopen, mor dat geldt ook veur aal t geld dat vrijwilleg aan tempel van de HEER ofstoan wordt. Zai mouten der den aal veur zörgen dat tempel van de HEER overaal doar t neudeg is, opklanderd wordt."
07Mor in t drijentwinnegste joar van Joäs haren priesters nog haildaal niks aan hoaveloze tempel doan.
08Dou luit keunenk hogepriester Jojada en aander priesters bie zok kommen. "Woarom dou ie niks om tempel op te klandern?" vruig e. "Van nou òf aan mag ie t geld dat elk van joe in ontvangst nemt, nait meer zulm holden. Ie mouten t votdoalek ofdroagen veur t opklandern van tempel."
09Priesters gingen der mit akkoord dat ze gain geld meer van t volk aannemen zollen, mor dat ze zulm hoaveloze dailen van tempel ook nait meer opknappen huifden.
|
Ga naar het volledige bijbelrooster
(Op basis van rooster: www.bijbelgenootschap.nl)
Terug
