Bijbelrooster voor 4 oktober 2022
t Evengelie volgens Lucas 18:1-8: Anholder bidt
01Hai leerde heur in n geliekenis dat ze altied beden zollen en dat nait versloeren loaten.
02Hai zee: "In n stad was n rechter. Dij haar gain ontzag veur God en hai steurde zok aan gain mensk.
03In dij aigenste stad woonde ook n wedevraauw. Dij kwam ieder bòt bie hom mit t verzuik: 'Help mie toch aan mien recht bie mien tegenpertij!'
04n Haile zet wol e nait, mor op n duur zee e bie zokzulm: 'Of heb k ook gain ontzag veur God en steur k mie aan gain mensk, toch zel k heur aan heur recht helpen.
05Ze zoest mie ja aal om kop! Aans kon ze mie op t lest nog wel es n blaauw oog sloagen!'"
06Dou zee de Heer: "Heur toch, wat of dij onrechtveerdege rechter zegt!
07Zol God den nait dijent aan heur recht helpen dij hai oetkozen het, dij bie dag en bie naacht aan hom roupen en noar wèl of hai altied geduldeg lustert?
08Dit wil k joe zeggen: hai zel heur mit n gaauwens aan heur recht helpen. Mor as Menskenzeun komt, zel e den t geleuf vinden in wereld?"
|
Ga naar het volledige bijbelrooster
(Op basis van rooster: www.bijbelgenootschap.nl)
Terug