Bijbelrooster voor 28 september 2022
1 Keunenks 20:13-22: Doene overmoud
13 Dou kwam der n profeet òf op Achab, keunenk van Israël. Hai zee: "Zo zegt de HEER: Zugstoe dizze mennegte droktemoakers? Ik zel heur vandoag nog in dien macht geven. Den waistoe dat ik de HEER bin."
14 Achab vruig: "Deur wèl?" Profeet zee: "De HEER zegt: Deur soldoaten van landvoogden." Achab vruig: "Wèl mout stried begunnen?" "Ie," zee hai.
15 Achab monsterde soldoaten van landvoogden van gewesten: t wazzen twijhonderdtwijendatteg. Noa heur monsterde hai t haile volk: Isrelieten wazzen mit zeuvendoezend man.
16 Om mirreg deden zai n oetvaal dou Benhadad zok mit keunenks in heur tènten zat dronk, dij twijendatteg keunenks dij hom helpen zollen.
17 Jongkerels van landvoogden deden eerste oetvaal. Dou brochten verkenners dij Benhadad der op oetstuurd haar, hom tieden dat ter manlu tou stad oetkommen wazzen.
18 Hai zee: "t Moakt nait oet of ze Samaria in vree oettrokken binnen of om te strieden, griep heur leventeg!"
19 Ondertussen wazzen soldoaten van landvoogden tou stad oettrokken en t leger kwam achter heur aan.
20 t Wer n stried van man tegen man. Arameeërs nammen de wiek en Isrelieten gingen achter heur heer. Benhadad, keunenk van Aram, ontkwam op peerd, mit n koppeltje ruters.
21 Dou trok keunenk van Israël ook tou stad oet. Hai versluig peerden en striedwoagens en brocht Aram n swoare neerloag tou.
22 Profeet kwam vannijs bie keunenk van Israël en zee tegen hom: "Verstaark joen leger en bekiek wat of ie doun mouten, omreden keunenk van Aram zel ankom joar weer tegen joe optrekken."
|
Ga naar het volledige bijbelrooster
(Op basis van rooster: www.bijbelgenootschap.nl)
Terug