Bijbelrooster voor 6 juli 2022
t Evengelie volgens Lucas 10:38-42: eerste zörg
|
38 Dou ze wiedergoan wazzen, kwam e in ain of aander dörp. n Vraauw dij Marta haitte, ontvong hom in heur hoes.
39 Zai haar n zuster dij Maria haitte. Dij ging aan de Heer zien vouten zitten en lusterde noar zien woord.
40 Mor Marta haar handen vol mit bedainen. Zai ging bie hom stoan en zee: "Heer, ligt joe der niks aan gelegen dat mien zuster mie t aal allain doun let? Zeg heur toch, ze mout mit aanpakken!"
41 Mor de Heer zee tegen heur: "Marta, Marta, doe moakst die bezörgd en drok over veulsteveul.
42 Der is mor zo'n beetje neudeg. Of ainlieks mor ain ding! Maria het dat goie dail oetkozen en dat zel heur nait ofnomen worden!"
|
Ga naar het volledige bijbelrooster
(Op basis van rooster: www.bijbelgenootschap.nl)
Terug
