Bijbelrooster voor 9 maart 2022
Amos 5:21-27: Laiver recht as ovvers (biddag veur t gewas)
21 De HEER zegt: Ik bin stìnzat van joen vrome feesten. Ik waalg der van. Ik bin mizzelk van de lucht van joen ovverfeesten.
22 Ook al breng ie mie ovvers van joen vij en koorn, ik neem ze nait aan. Daankovvers van joen vetwaaiders kin ik veur mien ogen nait zain.
23 Schaai mie toch oet mit aal dat lewaai van joen psaalmzingerij! t Meziek van joen haarpen kin ik nait meer aanheuren.
24 Moak mor laiver dat t recht zien beloop het, net as n wotterstroom, en rechtveerdeghaid as n beek dij nooit opdreugt.
25 Israël, haar ik sums verlet om alderhande ovvers van joe, aal dij vatteg joar in woestijn?
26 Heb ie asmis dou ook dij ofgodsbeelden, dij ie joe zulm moakt hebben - Sakkut, joen keunenk, en Kewan, joen steerngod - op scholders mitdroagen?
27 Mor nou stuur ik joe noar n laand hail wied vot, vèr aanderkaant Damascus. Ik, de HEER, dij zien noam is: d'aalmachtege God, ik heb t zulm zegd.
|
Ga naar het volledige bijbelrooster
(Op basis van rooster: www.bijbelgenootschap.nl)
Terug