Bijbelrooster voor 28 februari 2022
Amos 3:9-4:3: Wat is der te redden oet moel van n laaiw
|
09Zeg t mor rond in börgen van stad Asdod en in pelaaizen van Egypte: "Kom altmoal noar heuvels om Samaria tou en kiek ais wat n bröd as t doar is en hou mensken nkander der onder holden.
10 Ze hebben der gain wait van wat recht en eerlek is - zegt de HEER. Ze roppen en rieten ales bie nkander en stoapeln t op in heur börgen."
11 Doarom zellen vijanden joen laand ofstrunen en joen verschoel omdeelhoalen, joen pelaaizen leegstelen - zegt God, de HEER.
12 Dit zegt de HEER: Zo as n hedder aans niks redden kin van n schoap dij deur n laiw opvreten is as twij pootjes of n lapke van t oor, zo zel der sikkom gainain red worden van dij lu dij doar in Samaria omhangen op heur prachtege divans en sofa's van Damascus.
13 Luster goud, en woarschaauw den Jakob zien noazoaten - zegt God, de HEER, d'aalmachtege God:
14 Eerlieks woar, dij dag dat ik t volk Israël stravven zel om heur misdoaden, zel ik d'altoaren van Betel vernailen. Alderdeegs hoorns zellen der ofhaauwen en op grond smeten worden.
15 Winterverblieven en zummerpelaaizen zel ik ondersteboven gooien. Ivoren pelaaizen worden sleupt en aal dij ebbenholten hoezen goan tegen de vlakte, dat wil ik joe beloven - zegt de HEER.
01Heur ais wat of ik joe te zeggen heb, ie stamboukvij,f + Der staait in t Hebreeuws: "koien van Basan", beste vij dat ter was in Israël.f* ie vraauwlu doar op baarg Samaria, dij gewone lu onder t mous stoppen en t aarm volk verschoppen, dij joen kerels komdaaiern: "Tou, schenk es wat in!"
02Dit zegt God, de HEER: Zo woar as ik de haailege God bin, t duurt nait laank meer, den zel ie, net as vizzen, aan hoak sloagen en mit harpoenen in t lief votsleept worden.
03Den zel ie liekbendeg tou stad oet sleept worden deur goaten in muur en kaant van Harmon opjagd worden - zegt de HEER.
|
Ga naar het volledige bijbelrooster
(Op basis van rooster: www.bijbelgenootschap.nl)
Terug
