Bijbelrooster voor 30 maart 2020

Psaalm 130: Deur daipten

⁰⁰¹Bedevoartslaid. Oet daipte vandoan roup ik joe, o HEER,

⁰⁰²HEER, heur noar mien stem, loat joen oren toch acht geven
op mien roupen en smeken.

⁰⁰³As ie, o HEER, zunde ontholden, wèl blift den in t èn?

⁰⁰⁴Ie waiten ja van vergeven, zo krigt men veur joe ontzag.

⁰⁰⁵Ik wacht op de HEER, mit haart en ziel wacht ik,
ik longer noar zien woord,

⁰⁰⁶mien ziel wacht op de HEER, meer as wachtslu op mörgen,
wachtslu op mörgen.

⁰⁰⁷Verwacht, Israël, de HEER, hai wait ja van goudgunsteghaid,
van volsloagen verlözzen.

⁰⁰⁸Joa, hai zel Israël verlözzen van aal zien zunden.

Ga naar het volledige bijbelrooster

(Op basis van rooster: www.bijbelgenootschap.nl)

Terug