Bijbelrooster voor 15 december 2019

Psalm 146: Biestand (daarde advent)

⁰⁰¹Halleluja! Pries de HEER, mien ziel.

⁰⁰²Ik zel de HEER priezen mien leven laank, ik zel mien God bezingen, zo laank as k ter bin.

⁰⁰³Heb gain vertraauw op hoge lu, n mensk doar gain haail van komt.

⁰⁰⁴As leste oam verdwient, keert hai weerom noar eerde, dij dag vergoan zien gedachten.

⁰⁰⁵Gelokkeg wèl God van Jakob as hulp het, dij hoopt op de HEER, zien God,

⁰⁰⁶dij lucht en laand moakt het, en zee, mit wat doar touholdt,
dij traauw blift tot aan t leste tou,

⁰⁰⁷dij verdrokten recht dut, dij brood geft aan wèl hongerlieden.
De HEER verlöst wèl gevangen binnen,

⁰⁰⁸de HEER dut ogen open van blinden, de HEER zet in t èn wèl deelbogen binnen,
de HEER holdt van rechtveerdegen,

⁰⁰⁹de HEER beschaarmt aander lu, wezen en wedevraauwen holdt hai in t èn,
mor weg van goddelozen bogt hai om.

⁰¹⁰ De HEER is keunenk veur aaltied, dien God, Sion, van older op older.

Ga naar het volledige bijbelrooster

(Op basis van rooster: www.bijbelgenootschap.nl)

Terug