Bijbelrooster voor 11 december 2019
Micha 5:6-14: Hou komt der vrede op eerde?
06Rest, overbleven van Jakob,
verstreud onder veul volken,
zel wezen as daauw van de HEER,
roem en rij as regenwotter op gruin gras,
deur mensken nait onderholden,
doar gainain noar omkikt.
07Nee, rest, overbleven van Jakob,
verstreud onder veul volken,
zel wezen as n laiw onder wilde daaiern,
as n jonge laiw maank schoapen.
Hai vlogt ter deurhèn,
verropt en verpoast,
der is gain redden meer aan!
08Steek voest mor omhoog tegen dien vijand,
joen tegenstanders - der aan goan ze!
09Dit zegt de HEER:
Dij aigenste dag
slacht ik aal joen peerden òf,
in braiten sloag ik joen striedwoagens,
10 steden in joen laand verrinnewaaier ik,
joen börgen moak ik mit grond liek.
11 n Èn moak ik aan aal joen teuvergedou,
doan is t mit joen woarzeggerij.
12 In groes sloag ik joen ofgodsbeelden,
en haailege steeën dij ie der op noa holden.
Den huif ie nait laanger op knijen
veur wat joen aigen handen moakt hebben.
13 Ik rop joen haailege poalen tou grond oet,
verrinnewaaier haailege steeën.
14 In kwoadens en grammieterghaid neem ik vroak
op volken, dij nait lustern deden.
|
Ga naar het volledige bijbelrooster
(Op basis van rooster: www.bijbelgenootschap.nl)
Terug