Bijbelrooster voor 1 december 2019

Micha 2:1-5: Expansiedrift (eerste advent)

⁰¹O wai lu, dij op smereghaid oet binnen, op bèr al bedenken ze duvelse plannen. Zai voeren ze oet zo gaauw as t smörgens licht worden is, want ze hebben t ja in de macht! ⁰²Hebben ze zin in stokken laand? Ze pikken ze in! Gaait t om hoezen? Ze naasken ze òf! Mit geweld pakken ze man en heerd, aigender en aal wat e het. ⁰³Doarom - zegt de HEER: Ik breng n ramp over dit volk, n juk, dij je nait van nek ofkriegen, in t èn zel ie nait blieven kinnen, want t wordt n minne tied. ⁰⁴Dij doagen zel men dit taimke over joe heuren, dit kloaglaid over joe jeuzeln: "Doan is t mit ons, wie binnen vernaggeld en vernaild.
t Laand van ons volk gaait over in aander handen,
t wordt ons ofpakt,
ons akkers worden toupaart aan omswinders."

⁰⁵Nee wis, gainain zel der meer wezen mit meetlint dij joe n aandail toupaart bie t aigen volk van de HEER.

Ga naar het volledige bijbelrooster

(Op basis van rooster: www.bijbelgenootschap.nl)

Terug