Bijbelrooster voor 24 november 2019
Lucas 21:5-19: Blied veuroetzicht
|
05Dou gounent van tempel zeden dat e mit mooie stainen en wijgeschenken versierd was, zee e:
06"Wat of ie doar zain - der zel n tied kommen dat ter gain twij stainen opnkander blieven zellen. t Wordt aal mit grond slichtmoakt!"
07Ze vruigen hom: "Meester, wanneer zel dit wezen? En woar kin we aan zain dat t ter op aan gaait?"
08Hai zee: "Wees ter op verdocht en loat joe niks wiesmoaken. Mennegain zel kommen onder mien noam en zeggen: 'Ik bin t!' en 'Tied is ter heer!' Loop nait achter heur aan.
09En as ie heuren van oorlogen en rebulie, loat joe doar nait baang veur moaken. Dij dingen mouten ja eerst gebeuren. Mor dat is t èn vot nog nait."
10 Dou zee e tegen heur: "Volken en keunenkrieken zellen mitnkander sloags roaken.
11 Der zellen swoare eerdbevens en nou hier en den doar pest en hongersnood wezen. Ook benaauwde dingen en geweldege taikens aan lucht zellen zok veurdoun.
12 Mor veur t zo wied is, zellen ze joe oppakken en achter joe heerzitten en joe opbrengen in sinagoges en gevangenizzen, joe veur keunenks en stadholders laaiden, omreden ie kommen veur mie oet.
13 t Zel veur joe hier op oetlopen, dat ie getugen mouten.
14 Dou der den denk om dat ie nait in t veuren bedenken hou of ie joe verweren zellen.
15 Ik zel joe zokse wieze woorden in mond geven, dat joen tegenstanders doar niks tegen inbrengen kinnen.
16 Alderdeegs deur joen olders en bruiers en femilie en vrunden zel ie verroaden worden. Ze zellen gounent van joe doodmoaken.
17 Elkenain zel joe hoaten, omreden ie kommen veur mie oet.
18 Mor gain hoar van joe zel verloren goan.
19 Deur vol te holden, zel ie t levent ter òf redden.
|
Ga naar het volledige bijbelrooster
(Op basis van rooster: www.bijbelgenootschap.nl)
Terug
