Bijbelrooster voor 13 november 2019
Ho s e a 7:8 -16: Hardleers
08Efraïm het zok mengd mit vremde volken. n Misbrudsel is e worden!
09Vremd volk het hom de kracht ter oet zogen, zunder dat e t in de goaten haar. Gries hoar kreeg e der bie, mor besef het e der nait van.
10 Hoge dunk dij ze van zokzulm haren, getuugt tegen Isrelieten, mor toch binnen ze nait noar de HEER, heur God, weeromgoan. Wát of ter ook altmoal gebeurd wezen mag, zai hebben zok nait tou hom richt.
11 Efraïm is n doef, onneuzel en kòrt van verstand. Egypte hebben ze om hulp vroagd, en noar Assyrië binnen ze oetweken.
12 Mor woar of zai ook noar tou vlaigen, ik flap mien net over heur hèn. Ik hoal ze deel, as vogels oet lucht. En stravven zel ik ze, zo as ik in heur kring al aankundegd heb.f + Dit vers kin ook zo begrepen worden: "En vangen zel ik ze, zo gaauw heur swaarm zok heuren let."f*
13 Onhaail mag heur overkommen: ze binnen ja bie mie vot lopen! Dood en verdaarf over heur, ze binnen ja tegen mie in opstand kommen! Ik zol heur wel helpen willen. Mor hou, as zai leugenproat over mie verkopen?
14 Ze roupen nait van haarten om mie, mor liggen op bèr te jammern en te jeuzeln. Veur heur goden doun ze zokzulm wat aan, vroagend en kloagend om wien en waait. En van mie mouten ze niks hebben.
15 Dij heur n goie leerschoul gaf, dat was ik. Ik heb heur staark moakt. En nou net tegen mie hebben ze kwoad in t zin.
16 Noar mie, de Alderhoogste, keren ze nait weerom. n Boog doar je niks mit roaken kinnen, dat binnen ze! Heur laaiders zellen deur t sweerd omkommen. Dat is straf veur heur onnure toal. Wat zellen ze heur in Egypte oetsliepen!
|
Ga naar het volledige bijbelrooster
(Op basis van rooster: www.bijbelgenootschap.nl)
Terug
