Bijbelrooster voor 12 november 2019
Hosea 6:11b -7:7: Mor t volk wilt nait zain
11 En doe ook, Juda, zelst maaien wast zaaid hest!
Elke keer dat ik mien volk op n bainen help,
01aaldeur wanneer ik Israël hail moak, kommen Efraïm zien ongerechteghaid en gemaineghaid van Samaria aan t licht. Aalaan deur mor laigen en bedraigen! Hier gaait daif mit geweld n hoes in, doar binnen rovers aan t plundern en doun!
02t Komt nait bie heur op dat ik aal heur minne streken onthol. Heur doaden zellen heur opbreken. Ik heb t ja mit aigen ogen zain.
03Heur minne streken doun keunenk n bult plezaaier en laaiders hebben slinger aan heur leugens.
04Ontraauw binnen ze, altmoal! Net n ovent, hoog opstookt deur bakker, tot e aan t daig kneden en t riezen loaten tou is.
05Op keunenks joardag moaken ze laaiders hait in hoed mit wien tot ze der zaik van worden. En in tied keunenk dij verroaders mor haand langen!
06Ze loeren en doun, mit nkander smeden ze n komplöt; net ovents: haile naacht smeulen tot smörgens t vuur oplocht.
07In hetten van heur ovent verteren ze heur hoge heren. Heur keunenks kommen te valen, ain noa aander. Mor om mie roupen? Gainent komt ter op!
|
Ga naar het volledige bijbelrooster
(Op basis van rooster: www.bijbelgenootschap.nl)
Terug
