Bijbelrooster voor 28 augustus 2019
1 Samuel 13:15b-22: Woapenembargo
15 Dou ston Samuël op en ging van Gilgal noar Gibea in Benjamin.
Saul luit t volk dat bie hom was, aantreden, om en bie zèshonderd man.
16 Saul en zien zeun Jonatan en t volk dat bie heur was, laggen in Gibea in Benjamin. Filistijnen haren zok legerd in Michmas.
17 Plunderoars oet t legerkaamp van Filistijnen trokken der in drij ofdailens op oet. Ain sluig òf noar Ofra, noar t laand Sual.
18 Twijde ging richten Bet-Choron en daarde ging noar streek mit oetzicht over t daal van Seboïm, kaant van woestijn oet.
19 In hail Israël was ter gain smid te vinden. Filistijnen haren zegd: "Hebreeërs maggen zok gain sweerden of speren moaken."
20 Doarom mozzen ale Isrelieten noar Filistijnen tou veur t schaarpen van heur saais, plougscheer, biel of sikkel.
21 Pries was twijdaarde sjekel veur n saais of plougscheer en n daarde sjekel veur n hak en n biel en veur t vastzetten van de prikkels.
22 Zodounde haar t volk dat bie Saul en Jonatan was op dag van stried, gain sweerd of speer. Mor Saul en zien zeun Jonatan haren dij aal.
|
Ga naar het volledige bijbelrooster
(Op basis van rooster: www.bijbelgenootschap.nl)
Terug