Bijbelrooster voor 25 mei 2019
Jakobus 4:11-17: Pas op joen woorden
11 Zeg gain kwoad van nkander, bruiers en zusters! Wèl of kwoadsprekt over zien bruier of hom veroordailt, sprekt kwoad van wet en veroordailt dij. As ie wet veroordailen, den hol ie joe der nait aan, mor speul ie der rechter over.
12 Der is ja mor ain wetgever en rechter. Dat is hai, dij ons redden en ombrengen kin. Mor wat verbeel ie joe wel dat ie joen noaste veroordailen?
13 Nou den, ie dij zeggen: "Vandoag of mörgen goan we noar dij en dij stad tou. Doar blief we n joar. Doar doun we zoaken en moak we geld."
14 Mor ie waiten ja nog gain dag in t veuren hou of joen levent ter oet zain zel. Joen levent is net dook, dij eefkes opkomt en den weer verswint.
15 In stee van te zeggen: "As de Heer wil, zel we leven en dit of dat doun."
16 Nou snaar ie der mor op lös. Aal dij snakkerij is verkeerd.
17 As ain wait hou of e gouddoun mout en t nait dut, dij bezundegt zok.
|
Ga naar het volledige bijbelrooster
(Op basis van rooster: www.bijbelgenootschap.nl)
Terug