Bijbelrooster voor 5 april 2019
Leviticus 6:1-6: t Vuur blift branden
01De HEER zee tegen Mozes:
02"Geef Aäron en zien zeuns dizze aanwiezens: 'Dit binnen veurschriften veur t brandovver. t Brandovver mout haile naacht op t altoar branden blieven, t vuur op t altoar mag nooit oetgoan. Bie t aanbreken van mörgen
03mout priester aask van t brandovver dat in t vuur verteerd is, van t altoar ofpakken en der noast hènleggen. Hai mout hierbie n linnen gewoad aan hebben, mit doar n linnen boksem onder aan.
04Doarnoa mout e zok omtrekken en aander klaaier aandoun. Aask mout e vervolgens noar aaskebult boeten legerkaamp tou brengen.
05t Vuur op t altoar mout aanblieven, t mag nooit oetgoan. Elke mörgen mout priester holt op t vuur doun, der n nij brandovver op leggen en t vet van t vree-ovver der op in rook opgoan loaten.
06t Vuur op t altoar mout aaltied branden blieven, t mag nooit oetgoan.
|
Ga naar het volledige bijbelrooster
(Op basis van rooster: www.bijbelgenootschap.nl)
Terug