Bijbelrooster voor 24 maart 2019
Leviticus 3:12-17: Bloud-serieus (zundag oculi)
12 Dij de HEER n bok as ovvergoave aanbudt,
13 mout haand op t daaier zien kop leggen en t slachten bie ingang van soamenkomsttènt. Den mouten Aäron zien zeuns t bloud tegen aal kanten van t altoar aan sprenkeln.
14 n Paart van t vree-ovver mout as ovvergoave de HEER aanboden worden: t vet rondom ingewanden en ale netvet,
15 baaide nieren mit nierongels bie lennens en lutjeste kwaab van lever, dij mit nieren en aal vothoald worden mout.
16 Priester dut dit aalmoal op t altoar in rook opgoan, as eten, as n lekker roekende goave. Ale vet is veur de HEER.
17 Vet of bloud mag ie nait eten. Dizze bepoalen blift veur Isrelieten en heur noazoaten veur aaid van kracht, woar of ze ook wonen. '"
|
Ga naar het volledige bijbelrooster
(Op basis van rooster: www.bijbelgenootschap.nl)
Terug