Bijbelrooster voor 15 maart 2019
2 Timoteüs 1:11-18: Haailzoame woorden
11 doar ik as omrouper, apostel en leroar veur aansteld bin.
12 Doarom mout ik dit ook verduren. Mor doar schoam k mie nait veur. Ik wait ja aan wèl of ik mien vertraauw geven heb, en ik bin der wis van dat hai t in zien macht het wat of mie aanvertraauwd is, vaaileg te bewoaren, totdat dij grode dag aanbrekt.
13 Loat aan dien geleuf en laifde in Christus Jezus te zain wezen wat veur gezonde regels doe van mie heurd hest.
14 Bewoar schat dij die aanvertraauwd is mit hulp van hillege Gaist dij in ons woont.
15 Doe waist ja wel: ale lu in Asia hebben mie zitten loaten. Fygelus en Hermogenes ook.
16 Dat de Heer zok over Onesiforus zien gezin ontfaarmen mag. Hai het mie voak opmonterd. Dat ik in t gevang zat, doar schoamde hai zok nait veur.
17 Nee hur! Dou e in Rome kwam, het e slim noar mie zöcht en mie ook vonden.
18 Loat de Heer hom n goud onthoal geven op dij grode dag. En wat veur goie dainsten hai altmoal in Efeze doan het, waistoe nog beter (as ik).
|
Ga naar het volledige bijbelrooster
(Op basis van rooster: www.bijbelgenootschap.nl)
Terug
