Bijbelrooster voor 9 februari 2019
Jeremia 2:30-37: Wel is dien minnoar?
30 Vergees heb ik joen kinder prugeld,
niks hebben ze der van leerd.
Joen sweerd het joen profeten verslonden,
of was t n verscheurende laiw.
31 Ie, lu van dit geslacht, geef acht op t woord van de HEER:
Heb ik veur Israël n woestijn west,
of n kontraain van dikke duustern?
Woarom zegt mien volk den:
'Wie willen vrij omstrunen,
wie kommen nait bie joe weerom'?
32 Zel n wichtje heur pronk vergeten,
of n bruudje ooit heur sier?
Mor mien volk het mie vergeten, k wait nait hou laank.
33 Ie waiten t pad ja wel as t om vrijersvouten gaait.
Minste van vraauwlu kin der nog wat van leren.
34 Alderdeegs aan zeum van joen klaid
zit bloud van onschuldege mensken,
van lu dij nait bie inbroak overlopen binnen.
35 En den duur ie nog te beweren:
'Ik kin der niks aan doun,
mien schuld is t nait!'
Nou ie zeggen: 'Ik kin der niks aan doun,'
doag ik joe veur t gerecht.
36 t Schient joe nait stoer te valen n aander pad in te sloagen.
Mor ook Egypte zel joe nait touvalen,
en mit Assyrië is t nait aans.
37 Ook doar vandoan kom ie weerom
mit handen omhoog.
Want de HEER het van zok ofstöt doar ie vertraauw in haren.
Mit heur zel ie niks kloar kriegen."
|
Ga naar het volledige bijbelrooster
(Op basis van rooster: www.bijbelgenootschap.nl)
Terug
