LB0545

1. Christus staait ien widde klaid
deur een stroalenkraans omgeven
op de baarg van haaileghaid
licht oet licht en aiweg leven.

2. Mozes en Eila stoan
elk aan n zied, want zai reken:
Hai moakt laange lien nou doan
van de wet en de profeten.

3. Zai getugen mit heur stem
van zien oetgang en zien lieden
loater ien Jeruzelem
ien de volhaid van de tieden.

4. Oet de hemel komt de Geest
om het vizioun te droagen:
dit hier is mien Zeun; het meest
rust op Hom mien welbehoagen.

5. Zo wordt God ien glaans bekend:
Hai, het licht van ons verlangen,
woont nait ien een oardse tent,
mor op onze lofgezangen.

Klaas Pieterman

Terug