LB0210
1. God van hemel en van oarde,
Voader, Zeun en Haailge Gaist,
dij ons dag en naacht bewoarde,
zun en moan ons stroalen lait,
licht tot aan de verste raand,
wereld blift ien God zien haand.
God, ik daank joe wel van harten,
dat Ie mie ien dizze naacht
veur gevoar, angst, nood en smaarten
woarden ien joen grote macht,
dat gain kwoad en duusternis
mie te machteg worden is.
Loat mit dizze naacht mien zunden
ook vergoan ien zee van tied,
o Heer Jezus, ik bin aandoan
deur de wonden ien joen zied,
want allinneg hulp en road
komt mien leven goud te boat.
Help, dat ik mit dizze mörgen
opstoan kin mit nije kracht,
dat ik veur mien ziel mag zörgen,
dat ik, as joen grote dag
ons verschient mit joen gericht
stoan mag ien genoadeg licht.