LB0390

1. Het brood dat ien eerde is vonden,
het brood dat deur handen wordt moakt
het brood van troanen en zörgen,
dat brood dat noar mensen smoakt.

2, Het brood van oorlog en vrede,
dat doageleks zulfde brood
het vremde brood van de laifde,
het stainen brood van de dood.

3. Het brood dat wie zuur verdainen,
ons liggoam, ons geld en ons goud,
het brood van soamen leven,
dij schoamele overvloud.

4. Het brood dat wie eten mouten
om nait verloren te goan.
Wie dailen dat mit mekander
ons haile mensenbestoan.

5.Doe dailst t mit ons, zo dailstoe
diezulf aan ons veurgoud,
een mens om nooit te vergeten,
een God van vlees en bloud.

Janka Rubingh,Tonko Ufkes

Terug