LB0732
1. Joen stem, Heer, dij het ons zo roakt,
het wonder van joen woorden moakt,
joen evenbeeld, wat Jezus is,
joen biebelwoord, wat woarhaid is.
2. Zegen ons mit verwondering
dat Hai het is, dij vremdeling,
dij mit ons deur de aiwen ging,
blief bie ons mit joen zegening.
3. Haailege Geest, ontsteek toch t vuur,
de laifde van dat eerste uur,
moak joen genoade in ons groot,
een bliedschop staarker as de dood.
Janka Rubingh, Tonko Ufkes.
