LB0631
1. Onder t woaken, sloap ien ogen
ien het vrouge mörgenlicht
wordt de vlint van t graf bewogen,
heuren vraauwlu het bericht
dat deur dood en duusternis
Jezus leeft en bie ons is.
2, Zai dij as de eersten waiten
van nij leven ien heur schoot,
maggen kroongetugen haiten
van nij leven oet de dood.
Vraauwlu zagen Hom doar stoan,
waiten zoch bevrijd veurtoan.
3. Oet een sproakeloos verleden,
wied weg schoven, zunder woord,
om weer ien zo'n hof tye weden,
open is de leste poort,
sluiers worden nou vot doan:
t is nou tied om op te stoan.
4. Veujoar kleurt de koale bomen,
en deur t leven nij aanroakt
bluien bloumen, beekjes stromen:
zo wordt ales as nij moakt.
Noa de nacht verschient de zun
mit het licht van het begun.
Klaas Pieterman, Janka Rubingh, Tonko Ufkes.